Me Likhita, Etienne Maynier dhe John Scott-Railton. Drejtuar by Roger Dingledine.

Çdo vit qeveri, agjenci të zbatimit të ligjeve, degë të fushës ushtarake dhe korporata investojnë miliarda dollarë për krijim dhe blerje spyware-i dashakeq--<em>software</em> i konceptuar të infiltrojë në heshtje pajisjen e një përdoruesi dhe t’u lejojë agresorëve të shohin lëndë pa u pikasur. Këtë vit, Projekti Pegasus zbuloi se përdoruesit e këtij lloji spyware-i, të njohur si Pegasus dhe të krijuar nga grupi NSO, kanë pasur si objektiv telefonat që u përkasin mijëra personave në më shumë se 50 vende, përfshi drejtues biznesesh, politikanë, gazetarë dhe veprimtarë të të drejtave të njeriut. Në këtë edicion të PrivChat-it, ndiqni Likhita-ën, Etienne Maynier-in të Amnesty International dhe John Scott-Railton-in të Citizen Lab tek diskutojnë si mund të mbrojnë veten njerëzit, cilat ente mund të mbështesim për të ndalur këtë abuzim dhe kush punon për <em>software</em> më të siguruar, më privat të cilëve mund t’u zëmë besë?

Me Roger Dingledine, Nick Mathewson, Paul Syverson. Drejtuar nga Gabriella Coleman.

Kremtoni 25 vjet të rrugëzimit Onion me Tor! 31 maji i 2021-shit përkon me 25 vjetorin e paraqitjes së parë publike të rrugëzimit Onion, në Kembrixh, Britani e Madhe, në institutin Isaac Newton Institute, gjatë Seminarit të parë të Fshehjes së Informacionit.

Jeni i ftuar të kremtoni këtë çast të veçantë me ne, për të biseduar rreth fillimeve të rrugëzimit Onion dhe se si ideja u shndërrua në Tor dhe se si lindi më pas Projekti Tor. Me ne do të jetë Paul Syverson, një nga autorët e artikullit të parë mbi rrugëzimin Onion, tk me bashkëthemeluesit e Projektit Tor, Roger Dingledine dhe Nick Mathewson.

Do të reflektojmë mbi ditët e para të rrjetit me rrugëzim Onion në Laboratorin e Kërkimeve Detare të ShBA-së (NRL). (Atëbotë, lidhjet e rrugëzuesit Onion kalonin përmes pesë nyjash, në vend se të tre nyjave të Tor-it të tanishëm!) S’është e fshehtë se koncepti i rrugëzimit Onion e pat fillesën në (gjendet te faqja jonë e historikut), por ka shumë më tepër gjëra që duan të ndajmë me ju rreth se si zuri fill Tor-i dhe udhën që kemi bërë në 25 vjetët e fundit.

Me Alison Macrina, Berhan Taye dhe Ramy Raoof. Drejtuar nga Ed Snowden.

Misioni kryesor i Projektit Tor është të shpjerë përpara të drejtat dhe liritë e njeriut duke krijuar dhe vënë në zbatim teknologji anonimiteti dhe privatësie të lirë dhe me burim të hapët. Njerëzit e përdorin teknologjinë tonë, rrjetin Tor dhe Shfletuesin, në rrugë të ndryshme. Tor-i përdoret nga sekretnxjerrës të cilëve u duhet një rrugë e parrezik për të nxjerrë në dritë informacion rreth shkeljesh -- informacion që për shoqërinë është kyç të dihet -- pa zbuluar identitetin e tyre. Tor-i përdoret nga veprimtarë anembanë botës të cilët luftojnë kundër qeverish autoritare dhe për të mbrojtur të drejtat e njeriut, jo vetëm për sigurinë dhe anonimitetin e tyre, por edhe për të anashkaluar censurimin e internetit, që kështu zërat e tyre të mund të dëgjohen. Tor-i u lejon miliona njerëzve të mbrojnë veten në internet, pavarësisht privilegjesh që kanë, ose që nuk kanë. Për edicionin tonë të tretë të PrivChat-it, ju sjellim disa përdorues Tor-i nga praktika e përditshme, që do të rrëfejnë se si Tor-i ka qenë i rëndësishëm për ta dhe punën e tyre në mbrojtje të të drejtave dhe lirive të njeriut anembanë botës.

Me Felicia Anthonio, Vrinda Bhandari, Cecylia Bocovich dhe Arturo Filastò. Drejtuar nga Cory Doctorow.

Çdo vit, censurimi në internet shtohet globalisht. Nga bllokime në shkallë rrjeti e deri te fikje të internetit në shkallë kombëtare, qeveritë dhe shoqëritë private kanë mjete të fuqishme për të kufizuar informacionin dhe për të penguar lidhjet mes njerëzve. Mjaft vetë, grupe dhe ente po kryejnë punë novatore për studimin, matjen dhe hedhjen në kundërsulm ndaj censurimit internetor--dhe po ndihmojnë miliona vetë të lidhen më rregullisht dhe me më siguri në internet. Pavarësisht këtyre sukseseve, përballemi me kundërshtarë të financuar fuqishëm që kanë miliarda dollarë për t’i shpenzuar për mekanizma censurimi dhe gara e armatimeve vazhdon. Edicioni i dytë i PrivChat-it me Tor-in do të zhvillohet rreth temës I miri, i Keqi dhe i Shëmtuari në vijën e parë të betejës për anashkalim të censurimit. Në një botë ku teknologjia e censurimit është gjithnjë e më e sofistikuar dhe blerë e shitur mes shtetesh, e tillë është edhe fryma jonë krijuese për të vlerësuar dhe ndërtuar mjete për ta anashkaluar, si dhe vullneti i njerëzve për të t’iu kundërvënë. Por a mjafton? Cilat janë pengesat që hasin njerëzit dhe entet në luftën për liri internetore?

Me Carmela Troncoso, Daniel Kahn Gillmor dhe Matt Mitchell. Drejtuar nga Roger Dingledine.

Kur pandemia COVID-19 goditi shumicën e vendeve në botë, mjaft qeveri kërkuan për teknologji për ndjekjen e përhapjes së virusit, me qëllim që të luftonin pandeminë. Praktikat dhe teknologjitë e ndjekjes së kontakteve sollën mjaft pyetje rreth privatësisë, veçanërisht: është e mundur të ndiqet virusi, teksa respektohet privatësia e njerëzve? Tani, në mes të lëvizjeve kundër racizmit sistemik në ShBA, pasuar nga protesta anembanë botës, bëhen kritike pyetje kyçe rreth ndjekjes së kontakteve, privatësisë dhe survejimit. A mundet të përdoret për të ndjekur protestuesit teknologjia e përdorur për të ndjekur virusin? A do të përdoret? Për PrivChat-in tonë të parë fare, Projekti Tor ju sjell tre të ftuar të mahnitshëm, për të biseduar me ju mbi privatësinë në këtë kontekst.