ელისონ მაკრინა ბიბლიოთეკარი და დამფუძნებელია ბიბლიოთეკის თავისუფლების პროექტისა, საერთო საქმით გაერთიანებულ ბიბლიოთეკის მუშაკთა საზოგადოებისა, რომლის საზრუნავიცაა ჩვენი მთავარი ღირებულებები – ინტელექტუალური თავისუფლება და პირადულობის დაცვა რეალურ ცხოვრებაში. მისი საქმიანობა მიმართულია იმის გამორკვევაზე, თუ რა გავლენა აქვს ზედამხედველობას ბიბლიოთეკების საზოგადოებებზე და ბიბლიოთეკარების მუშაობაზე, აგრეთვე, როგორ ზემოქმედებს მიყურადება სოციალური სამართლიანობისა და ინტელექტუალური თავისუფლების სხვა საკითხებზე, ამასთანავე, ტექნოლოგიებში ძალაუფლების გადანაწილებაზე. ელისონსა და ბიბლიოთეკის თავისუფლების პროექტს მიღებული აქვს თავისუფალი პროგრამული უზრუნველყოფის მიერ დაწესებული სოციალური სარგებლის პროექტების ჯილდო, ბიბლიოთეკის ჟურნალის მიერ დაწესებული „მებრძოლთა“ და „გამომფხიზლებელთა“ ჯილდო, ნიუ-იორკის ბიბლიოთეკათა გაერთიანების მიერ დაწესებული ინტელექტუალური თავისუფლების ჯილდო და LITA/ბიბლიოთეკის მაღალი ტექნოლოგიების ჯილდო.

ბერჰან ტაი (მდედ.) მკვლევარია, რომელიც იკვლევს ტექნოლოგიის, საზოგადოებისა და სოციალური სამართლიანობის ურთიერთმიმართებას. მისი სამუშაო ადგილია Access Now, რომელშიც ხელმძღვანელობს აფრიკის მიმართულებით პოლიტიკასა და საერთაშორისო ინტერნეტის შეზღუდვების საკითხებს. აგრეთვე სათავეში ედგა კამპანიას #KeepItOn, რომელიც საერთაშორისო მოძრაობაა ინტერნეტის შეზღუდვების წინააღმდეგ და მოიცავს 220-ზე მეტ წევრ ორგანიზაციას მსოფლიოს მასშტაბით. სანამ Access Now გახდებოდა მისი ძირითადი საქმიანობა, იყო მკვლევარი პროექტში „ტექნოლოგიის გავლენა სოციალურ სამართლიანობაზე“, რომლის ფარგლებშიც შემუშავდა მოხსენება MoreThanCode.cc.

რემი რაუფი არის ტექნოლოგი და პირადულობის უსაფრთხოების მკვლევარი, მისი ბოლო ნამუშევრები მიმართულია ადამიანის უფლებათა დამცველებისა და არასამთავრობოების წინააღმდეგ მიზანმიმართული ციფრული თავდასხმების კვლევაზე და ციფრული უსაფრთხოების პროტოკოლების შემუშავებაზე ახლო აღმოსავლეთსა და ცენტრალურ ამერიკაში მეამბოხეებთან თანამშრომლობით, თვალთვალისა და ცენზურის ასარიდებლად. რემი არის ტაქტიკის შემმუშავებელი „ამნესტი ინტერნეიშენალის“ უსაფრთხოების ლაბორატორიაში და ასევე არის Tor-პროექტის დირექტორთა საბჭოს წევრი. „ამნესტიში“ გაწევრებამდე მუშაობდა უფროსი ტექნოლოგის თანამდებობაზე ეგვიპტურ წამოწყებაში პირადი უფლებების დაცვის საკითხებში (EIPR). რემი 2017 წელს Access-Now-სგან იღებს საერთაშორისო ჯილდოს „ადამიანის უფლებებისა და კავშირგაბმულობის ზედამხედველობის გმირები“, ხოლო 2016 წლის მაისში მიიღო საერთაშორისო Bobs Award - „საუკეთესო ინტერნეტმებრძოლი“, რომელსაც აწესებს Deutsche Welle ციფრული უსაფრთხოებისა და პირადი მონაცემების დაცვის დარგში მუშაობისთვის. Twitter-ანგარიშია https://twitter.com/RamyRaoof.